Ado ike selar duo ekor dale peti. Tok laki suruh masok gular kuning boh ketumbar hok biji.
Kito top up lauk denge ike selaye goreng cicoh budu kenyek cili.
Masok awal-awal kot anok lapar nasi. Tok tahu lah make ko dop mugo budok jame loni make spageti.🍝
Che kak supo sekalo make sekut cicoh nescafe☕🍪.
Nok nyipe rumoh maso hari cuti. Nok tido lepas subuh pun tok jenero duk teringat mari.
Lepas nyapu sapoh, ngemas rumoh, gonyoh bilik air pun sero sene hati.
Bue segalo bare tok ppekdoh hok duk dale peti.
Lego banyok doh ado anok jate rajin lipat baju hari-hari.
Kade-kade kito keno maroh sebab baju tok boh selalu dale almari.
Nyipe rumoh buke sebab ado ore nok mari.
Kito suko kelih rumoh bersih dan kemas walaupun tok ssolek denge hiase supo istano menanti.
Sero letih gak kito rehat dulu bele-bele updated fb.🤪
Sero nok mmanjo denge tok laki. Sene nok suruh picit kaki sebab lenguh duk gonyoh bilik air buwe daki.
Dei tuo mari buke bau minyok wangi lagi.
Comments
Post a Comment